最新消息
【活動資訊 - 灣仔地區康健站 與 葉氏化工集團有限公司 協作活動：「你，健康嗎？」企業健康檢查日】
灣仔地區康健站於11月18日去到葉氏化工集團有限公司 (Yip’s Chemical) 位於灣仔嘅辦公室舉行健康檢查日，註冊護士為各位員工進行健康風險評估，篩查高血壓、糖尿病及其他慢性病嘅風險；護士亦從佢哋日常生活習慣入手，提供預防慢性病嘅健康建議本站亦安排葉氏化工員工於中午時段，在本站的服務點出席健康講座，由註冊護士講解日常飲食少鹽少糖嘅重要性，從而減輕高鈉、高糖飲食對身體造成嘅潛在風險。
再者，職業安全問題同樣需要重視，所以本站註冊職業治療師為各員工講解辦公室人體工學、改善工作環境嘅要點，指導大家保持良好工作姿勢，減低喺辦公室潛在嘅健康風險。職業治療師更即場帶領參加者做伸展運動，示範一啲可以喺辦公室都做到嘅動作，教導員工減輕身體疲勞嘅方法！
灣仔地區康健站會繼續為社區上唔同年齡嘅人士分享健康資訊，守護大家健康。只要你喺灣仔區居住或者工作，就可以加入成為中心會員，由註冊護士負責進行免費嘅健康風險評估。快啲打電話嚟預約啦！（查詢電話:3751576）
了解更多
【活動資訊 - 少鹽少糖系列營養講座：小孩健康醒腦飲食】 （灣仔地區康健站 與 香港真光中學小學部 協作活動）
灣仔地區康健站 獲 香港真光中學小學部校長及主任邀請，於11月17日在學校禮堂，由本站的註冊營養師向一眾老師和學生們分享「小孩健康醒腦飲食」，並推廣少鹽少糖飲食的資訊。由於全校師生眾多，在防疫措施下，禮堂亦未能容納所有參加者，其中有兩個年級的學生，需要在課室裡收看即時轉播！
是次活動總共有770名師生參與，創下了本站單次活動最高參與人數的紀錄！學生們非常乖巧，而且很踴躍回答營養師的問題；甚至在課室裡的學生，都非常專注及投入，舉手參與互動環節！
灣仔地區康健站致力推動「健康生活在灣仔」，安排專業的醫護人員走訪不同的學校及企業，宣揚少鹽少糖的健康訊息。如有其他學校的老師都有意舉辦有關「少鹽少糖」的健康講座或營養工作坊，歡迎致電 37515768 ，與本站社工湯姑娘或余先生聯絡。
了解更多
【活動資訊 - 親子少鹽少糖工作坊】 （灣仔地區康健站 與 香港真光中學小學部 協作活動）
灣仔地區康健站嘅註冊營養師於11月26日喺香港真光中學家政室，為小學部嘅學生同家長舉行「親子少鹽少糖工作坊」，推廣少鹽少糖飲食，並示範用健康食材製作嘅小食，包括：非油炸花生醬西多士及粟米吞拿魚飯團。我們期望家長可以將健康飲食嘅理念帶返屋企，喺生活中實踐，幫助兒童從小養成少鹽少糖嘅飲食習慣，能夠健康快樂咁成長。
家長同學生喺活動入面，一齊合作完成咗兩款小食！每位學生都十分之投入，仲發揮無限創意，將飯團製作成卡通型形狀，真係又睇得、又食得呀！參加者喺今次工作坊，除咗得到健康飲食嘅秘訣，仲可以增進親子關係！大家都樂在其中！
灣仔地區康健站致力推動「健康生活在灣仔」，安排專業的醫護人員走訪不同的學校及企業，宣揚少鹽少糖的健康訊息。如有其他學校的老師都有意舉辦有關「少鹽少糖」的健康講座或營養工作坊，歡迎致電 37515768 ，與本站社工湯姑娘或余先生聯絡。
了解更多
【活動資訊 –健康檢查日（菲律賓篇）】 （灣仔地區康健站 與 循道衞理聯合教會國際禮拜堂 協作活動）
為了方便菲律賓藉人士出席活動 ，灣仔地區康健站在11月27日（禮拜日）聯同循道衞理聯合教會國際禮拜堂 舉辦健康檢查日 ，向菲律賓藉人士提供健康風險評估及藥劑師諮詢服務 ，篩查高血壓及糖尿病嘅風險，幫助佢哋識別健康問題、及早預防及治療。
其次，本站嘅註冊營養師分享少鹽少糖健康飲食資訊 、預防三高飲食貼士；職業治療師則舉行健康講座，教導參加者預防肌肉筋骨勞損。另外，我哋仲安排咗瑜伽導師同埋動物流運動導師到場，同大家一齊進行伸展瑜伽及動物流運動 ，舒緩肌肉緊張、放鬆身心。一班菲律賓藉人士都十分投入，亦好感謝本站職員細心嘅諮詢服務 。
灣仔地區康健站會繼續為社區內不同族裔、社群推廣健康資訊，守護大家健康。只要你喺灣仔區居住或者工作，就可以加入成為中心會員，由註冊護士負責進行免費嘅健康風險評估。快啲打電話嚟預約啦！查詢電話：37515768
了解更多
【活動資訊 - 親子少鹽少糖工作坊】 （灣仔地區康健站 與 香港真光中學幼稚園 協作活動）
灣仔地區康健站的註冊營養師在12月3日同一班香港真光中學幼稚園小朋友、家長一齊落手落腳製作兩款減鹽減糖健康小食，並推廣少鹽少糖健康飲食資訊。希望各位家長能樹立好榜樣，幫助小朋友建立良好飲食習慣，健康快樂地成長。
透過今次活動，小朋友同家長認識到各種食物的營養價值，減少進食高鈉、高糖的食物。家長指導小朋友一步一步親自完成兩款小食，小朋友亦發揮無窮創意，製作不同形狀的飯糰❕小朋友見到自己嘅製成品，獲得好大成功感同滿足感啊!
灣仔地區康健站致力推動「健康生活在灣仔」，安排專業的醫護人員走訪不同的學校及企業，宣揚少鹽少糖的健康訊息。如有其他學校的老師都有意舉辦有關「少鹽少糖」的健康講座或營養工作坊，歡迎致電 37515768 ，與本站社工湯姑娘或余先生聯絡
了解更多
