近日天氣持續酷熱，天文台頻頻發出酷熱天氣警告。行出街真係好似入咗蒸爐咁！無論係各位長者街坊，定係每日喺烈日下默默付出嘅戶外工作者（如清潔工友、建築工人、外賣員同保安員等），請務必記低以下防暑小貼士，好好保護自己：
預防中暑四部曲：
定時補水： 唔好等口渴先飲水！多飲水，避免飲用過多含糖或咖啡因嘅飲品。
清爽衣著： 外出時穿着淺色、寬鬆同通爽嘅衣服，戴帽或遮陽傘擋隔紫外線。
保持清涼： 盡量避免喺正午或烈日下進行劇烈運動。室內要保持空氣流通，或到有冷氣嘅地方避暑。
不適即休： 如果出現頭暈、頭痛、噁心、皮膚發紅發熱或心跳加速，應即時到陰涼處休息並補水。情況嚴重請立刻求醫！
【同場加映：「夏日送清涼」免費派發消暑茶飲】為了實時幫大家消暑降溫，循道衛理中心特別舉辦咗活動，為長者、戶外工作街坊及所有市民免費派發清熱消暑嘅健康茶飲！歡迎大家路過嚟消吓暑、充吓電！
日期： 2026年7月20日至9月20日
時間：下午12:00- 5:00
派發地點：循道衛理中心總部/灣仔軒尼詩道22號循道衛理中心4樓(數量有限，送完即止)
大家取茶時也不忘可以取一份灣仔地區康健站的小禮物。如未登記成為我們的會員，可取小禮物內的「入會邀請卷」，並預約我們的循道衛理樂藝坊服務點，登記成為會員及完成評估，領取期間限定的小禮物，禮物換領期為即日至2026年8月31日。
