灣仔地區康健站嘅註冊營養師於11月26日喺香港真光中學家政室，為小學部嘅學生同家長舉行「親子少鹽少糖工作坊」，推廣少鹽少糖飲食，並示範用健康食材製作嘅小食，包括：非油炸花生醬西多士及粟米吞拿魚飯團。我們期望家長可以將健康飲食嘅理念帶返屋企，喺生活中實踐，幫助兒童從小養成少鹽少糖嘅飲食習慣，能夠健康快樂咁成長。

家長同學生喺活動入面，一齊合作完成咗兩款小食！每位學生都十分之投入，仲發揮無限創意，將飯團製作成卡通型形狀，真係又睇得、又食得呀！參加者喺今次工作坊，除咗得到健康飲食嘅秘訣，仲可以增進親子關係！大家都樂在其中！

灣仔地區康健站致力推動「健康生活在灣仔」，安排專業的醫護人員走訪不同的學校及企業，宣揚少鹽少糖的健康訊息。如有其他學校的老師都有意舉辦有關「少鹽少糖」的健康講座或營養工作坊，歡迎致電 37515768 ，與本站社工湯姑娘或余先生聯絡。